Polusyon sa duros

An polusyon sa duros o polusyon sa ere an apod sa kontaminasyon kan duros huli sa presensiya kan mga elemento sa atmospera na peligroso sa salud kan tawo asin iba pang nabubuhay sa kinaban, nagkakawsa nin raot sa klima o sa mga bagay-bagay. Kadakol nin iba-ibang klase nin air pollutants, arog kan mga gas (kaiba an ammonia, carbon monoxide, sulfur dioxide, nitrous oxides, methane, carbon dioxide asin chlorofluorocarbons), mga particulates (organiko asin inorganiko), asin mga biological molecules. An polusyon sa duros pwede magkawsa nin mga helang. allergies, asin kagadanan sa tawo; peligroso man ini sa ibang mga nabubuhay na organismo arog kan mga hayop, pananom, sa natural na proseso kan kapalibutan (halimbawa, climate change, ozone depletion o habitat degradation) o sa mga built environment (halimbawa, acid rain). An mga aktibidad kan tawo asin natural na proseso kan kapalibutan parehong pwedeng magkawsa nin polusyon sa duros.